Búgin - Qazaqstan Respýblıkasy Ulttyq qaýipsizdik komıtetiniń kúni

1991 jyly jeltoqsannyń 19-y kúni Qazaqstan Respýblıkasy nyń Memlekettik qaýipsizdik komıteti Qazaq SSR Memlekettik qaýipsizdik komıtetiniń zańdy murageri bolyp tanylyp, 1992 jyly 13 shilde kúni Elbasynyń Jarlyǵymen Qazaqstan Respýblıkasynyń Ulttyq qaýipsizdik komıteti bolyp qaıta quryldy.

Táýelsiz Qazaqstannyń ulttyq qaýipsizdik organynyń tarıhy osy kúnnen bastaý alady. Qazaqstan Ulttyq qaýipsizdik komıteti úshin ótken 19 jyl - damý men qalyptasýdyń, turaqty jetilýdiń jyldaryna aınaldy. Komıtet qurylymyndaǵy barlyq ózgerister álemdegi jáne eldegi ahýalmen tyǵyz baılanysty boldy, Ol Elbasynyń tapsyrmalarymen jáne ýaqyt talabymen anyqtalyp otyr. Barlyq reformalardyń basty maqsaty - Komıtetke júktelgen mindetterdi tıimdi sheshý, egemen Qazaqstannyń múddesin qorǵaý. Qazir Ulttyq qaýipsizdik komıteti kez kelgen qater men synaqqa shuǵyl da barabar jaýap bere alatyn ıkemdi, ári joǵary bilikti arnaıy qyzmet.