Búgin - Qazaqstan Respýblıkasy Prezıdentiniń Kúzet qyzmeti qurylǵan kún
ASTANA. QazAqparat - 1992 jylǵy 6 aqpanda Qazaqstan Respýblıkasy Prezıdentiniń Kúzet qyzmeti quryldy. Bıyl atalǵan qurylymnyń qurylǵanyna 22 jyl tolyp otyr.
Qazaqstan Respýblıkasynyń Kúzet qyzmeti memlekettik organ retinde, arnaıy áskerı qurylym jáne Respýblıka Prezıdentine tikeleı baǵynyshty bolyp tabylady. Sondaı-aq Qazaqstan Respýblıkasy Prezıdentiniń qaýipsizdigin jáne Prezıdentpen bekitilgen tizimi boıynsha memlekettiń joǵary laýazymdy tulǵalarynyń, sondaı-aq elimizge issaparmen kelgen shet memleketteriniń úkimet basshylary jáne halyqaralyq uıymdardyń basshylarynyń qaýipsizdikterin qamtamasyz etýge baǵyttalǵan.
Atalmysh organ óziniń qyzmetin QR Konstıtýtsııasynyń 44-shi babyna jáne QR «Qazaqstan Respýblıkasy Prezıdentiniń kúzet qyzmeti týraly» zańyna sáıkes júzege asyrady. Qurylǵan kúnnen búgingi kúnge deıingi aralyqta qurylym tolyq qalyptasyp, damı tústi.
Atap aıtqanda, kúzet qyzmetkerleriniń kásibı deńgeıin kóterý maqsatynda, olardy lańkestikke qarsy jáne VIP-tulǵalardyń qaýipsizdigin qamtamasyz etý baǵdarlamasy boıynsha ár túrli kýrstarda oqytý júzege asyrylýda. Birqatar qyzmetkerler elimizdiń jáne Mysyr, Izraıl, Germanııa, AQSh memleketteriniń oqý ortalyqtarynda dáris aldy. Sondaı-aq birqatar sheteldik áriptes qurylymdarmen ózara yntymaqtastyq týraly kelisimshartqa qol qoıǵan.
Kúzet qyzmeti elıtaly áskerı qurylym retinde, óziniń ataýy nemese jeńildikteriniń arqasynda emes, memlekettiń qaýipsizdigi men Elbasynyń qaýipsizdigin qamtamsyz etýdegi sheshetin tapsyrmalardyń negizinde esepteledi.
Osy rette, bólimshe qyzmetkerlerine qaýipsizdikti qamtamasyz etý sharalaryn joǵarǵy deńgeıde ótkizgendikteri úshin, sheteldik kúzetiletin tulǵalar tarapynan birneshe ret alǵys jarııalanǵanyn atap ótý kerek.
