Búgin - Qazaqstan polıtsııasy kúni
ASTANA. 23 maýsym. QazAqparat - Búgin Qazaqstan Respýblıkasy ishki ister mınıstrligine qarasty mekemelerde qyzmet isteıtin polıtsııa qyzmetkerleriniń tól merekesi.
Bul kásibı mereke 1992 jylǵy 23 maýsymda Qazaqstan Respýblıkasy Joǵarǵy Keńesi qabyldaǵan «Qazaqstan Respýblıkasy ishki ister organdary týraly» Zańmen tyǵyz baılanysty. Zań Qazaqstan polıtsııasynyń qyzmeti men mindetin aıqyndaıtyn alǵashqy quqyqtyq akt bolyp tabylady.
2007 jyly 5 maýsymda «Qazaqstan Respýblıkasy ishki ister organdary týraly» QR Zańynyń qabyldanǵanyna 15 jyl tolýyna oraı, Elbasy Nursultan Nazarbaev 23 maýsymdy Polıtsııa kúni dep bekitti.
Qazaqstan Polıtsııasy kúni - polıtsııa qyzmetkerleri men polıtsııa ardagerleriniń eńbekterin eskerip, olarǵa rızashylyq pen alǵys sezimderin bildirý kúni. Osy kúni qyzmet babyn oryndaý barysynda qaza tapqan polıtseıler eske alynyp, is-sharalar uıymdastyrylady.
Bıyl Qazaqstan polıtsııasyna - 20 jyl.
