Búgin - Qazaqstan Parlamenti Májilisiniń tuńǵysh tóraǵasy bolǵan Marat Ospanovtyń týǵanyna 60 jyl
ASTANA. Qyrkúıektiń 17-si. QazAqparat. Búgin elimizdiń kásibı Parlamenti Májilisiniń tuńǵysh tóraǵasy bolǵan Marat Turdybekuly Ospanovtyń týǵanyna 60 jyl tolyp otyr,
dep habarlaıdy QazAqparat.
Marat Ospanov 1949 jyly qyrkúıektiń 17-si kúni Aqtóbe qalasynda týǵan. 1971 jyly Máskeýdegi V.G.Plehanov atyndaǵy Halyq sharýashylyq ınstıtýtyn bitirgen.
Qazaqstannyń kásibı Parlamentiniń keregesin kerip, ýyǵyn qadaǵan, bıliktiń bir tarmaǵy retinde rólin arttyrǵan Marat Ospanov Qazaqstan parlamentarızmin qalyptastyrýǵa kóp eńbek sińirgen. Belgili ekonomıst-ǵalym, «Nur Otan» partııasynyń tuńǵysh irgetasyn qalaýshylardyń biri ári tuńǵysh Prezıdent Nursultan Nazarbaevtyń saıasattaǵy adal serigi bola bildi.
