Búgin Qazaqstan mektepterinde Biryńǵaı ulttyq testileý bastaldy
ASTANA. 3 maýsym. QazAqparat - Búgin Qazaqstan mektepteriniń túlekteri Biryńǵaı ulttyq testini tapsyrýdy bastady.
Alǵashqy kúnde UBT 56 pýnktte ótkizilip, oǵan 25 756 túlek qatysatyn bolady. Bul týraly QR BǴM-niń baspasóz qyzmetinen málim etti.
Astanada UBT L.Gýmılev atyndaǵy Eýrazııa ulttyq ýnıversıtetinde, S.Seıfýllın atyndaǵy Qazaq agrotehnıkalyq ýnıversıtetinde jáne Qazaq gýmanıtarlyq zań ýnıversıtetinde ótedi. Alǵashqy kúnde UBT-ny 2 myń elordalyq túlek tapsyratyn bolady.
UBT-nyń árbir pýnktinde memlekettik komıssııalar, apellıatsııalyq komıssııalar jumys isteýde. Mınıstrlik janynan Respýblıkalyq apellıatsııalyq komıssııa quryldy.
Óńirlerde jergilkti atqarýshy organdar men memlekettik komıssııalar UBT-ny sátti ótkizý úshin barlyq jaǵdaılardy jasady.
