Búgin Qazaqstan fýtbol kýbogynyń qarymta oıyndary ótkiziledi

ASTANA. QazAqparat – Búgin, 7 maýsymda fýtboldan Qazaqstan kýbogy shırek fınalynyń qarymta oıyndary ótkiziledi, dep habarlaıdy QazAqparat tilshisi.

Jarystyń atalǵan satysynda «Qyzyljar» (Petropavl) men «Ordabasy» (Shymkent), «Turan» (Túrkistan) men «Astana» komandalary sheberlik baıqasady.

Oıyndar 17:00-ge belgilengen.

Al 19:00-de «Shahter» (Qaraǵandy) men «Tobyl» (Qostanaı), «Atyraý» men «Qaırat» (Almaty) jasyl alańǵa shyǵady.

Petropavl jáne Qaraǵandy qalalaryndaǵy oıyndar «Qazsport» telearnasynan tikeleı efırde kórsetiledi.

Aıta ketsek, alǵashqy kezdesýde «Astana», «Tobyl» jáne «Ordabasy» óz alańynda «Turan», «Shahter» jáne «Qyzyljardy» birdeı 2:0 esebimen tize búktirgen edi.

Al «Qaırat» Almaty qalasynda «Atyraýmen» 1:1 esebimen teń tústi.

Eske sala keteıik, budan buryn «Altyn dop» ıegeri Karım Benzema «Real Madrıd» klýbynan ketken bolatyn.