Búgin - «Qazaqstan daýysy» jobasynyń aqtyq saıysy
ASTANA. 19 qańtar. QazAqparat - Ulttyq arnada ótken jyldyń maýsym aıynda bastalǵan «Qazaqstan daýysy» jobasynyń búgin aqtyq saıysy ótedi.
Elimizdiń túkpir-túkpirinen kelgen 9000-nan astam úmitkerden fınalǵa tek tórteýi ǵana jetti.
Jarty jyl boıy kórermenniń kózaıymyna aınalǵan jobanyń júırigi búgin anyqtalady.
Osy saıysta jeńimpazdar tanymal ánshilermen jáne óz tálimgerlerimen qosylyp án shyrqaıdy.
Bul jobaǵa ónerge talasy bar túrli mamandyq ıeleri qatysty. Ekonomıst te, pedagog pen psıholog ta, tipti kólik júrgizýshileri de baǵyn synady. Eń myqtylary syndardan súrinbeı ótip, aqtyq márege deıin jetti. Qazir sheshýshi kezeń aldynda qyzý daıyndyq júrýde.
Aıta keter jaıt, bul jobanyń qatysýshylary tek orkestrdiń súıemeldeýimen jandy daýysta án shyrqaıdy.
Búgingi saıysta jeńimpazdar tanymal ánshilermen jáne óz tálimgerlerimen qosylyp án shyrqaıdy. Úzdikti tek daýys berý arqyly kórermender tańdaıdy. Ulttyq arna top jarǵan talantqa 5 mıllıon teńge qarjylaı syıaqy bermek. Sondaı-aq, jeńimpaz álemge áıgili «Universal» dybys jazý stýdııasymen 1 jylǵa kelisimshartqa otyrady, dep habarlaıdy «Qazaqstan» ulttyq arnasy.
