Búgin Qazaqstan boıynsha azamattardy ásker qataryna shaqyrý bastaldy
ASTANA. Qazannyń 1-i. QazAqparat - Búgin Qazaqstanda azamattardy ásker qataryna shaqyrý bastaldy. Ol jylyna eki ret, Qazaqstan Respýblıkasy Prezıdentiniń Jarlyǵymen jáne Qazaqstan Respýblıkasy Úkimetiniń qaýlysy negizinde kóktem men kúz mezgilderinde júrgiziledi,
dep habaralaıdy QR Qorǵanys mınıstrliginiń baspasóz qyzmeti.
Bıylǵy jyldyń kúzinde Qarýly Kúshter qataryn alty myń jáne Qazaqstan Respýblıkasynyń basqa da áskerleri men áskerı qurylymdarynyń qataryn segiz myń azamatpen tolyqtyrý josparlanyp otyr. Áskerge shaqyrý aýmaqtyq jáne eksaýmaqtyq áskerdi qalyptastyrý maqsatymen júrgiziledi, ıaǵnı jas áskerler úılerine jaqyn aýmaqta, sondaı-aq Qazaqstannyń basqa da aýmaqtarynda óz boryshtaryn óteı alady.
Eń aldymen, ásker qataryna buryn shaqyrylyp, ýaqytyn ótkizip alǵan jasy kelgen azamattar, nemese buryn basqa sebepterge baılanysty shaqyrylmaǵan azamattar, sonymen qatar, Qazaqstan Respýblıkasy Qorǵanys mınımstrliginiń áskerı-tehnıkalyq mektepteriniń túlekteri alynady.
Barshaǵa belgili, ásker qataryna áskerden bosatylýǵa quqyǵy joq on segiz jastan jıyrma jeti jas aralyǵyndaǵy er jigitter shaqyrylady.
«Áskerı mindet pen áskerı qyzmet týraly» jáne «Áskerıler men onyń otbasy músheleriniń áleýmettik qorǵalýy men mártebesi týraly» QR Zańdaryna sáıkes merzimdi áskerı boryshtyń merzimi on eki aıdy quraıdy.
