Búgin Qazaqstan aýmaǵynyń basym bóliginde qar jaýyp, kóktaıǵaq bolady
ASTANA. QazAqparat - 31 jeltoqsanda Qazaqstan aýmaǵynyń basym bóliginde atmosferalyq aǵyndardyń ótýimen jaýyn-shashyndy bolyp, qar jaýady, tuman túsedi, kóktaıǵaq bolady, burqasyndatyp, jel kúsheıedi. Respýblıkanyń ońtústigi men ońtústik-shyǵysynda ǵana kún ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Soltústik Qazaqstan, Shyǵys Qazaqstan, kúndiz Aqmola, Pavlodar oblystarynda keı jerlerde burqasyn kóterilip, jeldiń kúshi 15-20 m/s-qa jetedi. Almaty oblysynyń Jalańashkól aýdanynda jeldiń ekpini 17-22 m/s-qa jetedi, túnde keı jerlerde tuman túsedi. Jambyl oblysynda keı jerlerde tuman túsýi, jeldiń 15-20 m/s-qa deıin kúsheıýi kútiledi. Qyzylorda, Mańǵystaý, Atyraý oblystarynda keı jerlerde tuman túsedi, kóktaıǵaq bolady, jeldiń kúshi 15-20 m/s. Batys Qazaqstan oblysynda keı jerlerde burqasyn kóteriledi, kúndiz jeldiń kúshi 15-20 m/s-qa jetedi. Aqtóbe oblysynda - keı jerlerde burqasyndatady, kóktaıǵaq bolady, jel 15-20 m/s-qa deıin kúsheıedi. Qostanaı oblysynda keı jerlerde burqasyn kóterilip, jel túnde keı jerlerde, kúndiz basym bóliginde 15-20 m/s-qa jetedi. Ońtústik Qazaqstan, Qaraǵandy oblystarynda keı jerlerde tuman túsedi.
Taıaýdaǵy táýlikterde Syrdarııa ózeninde, respýblıkanyń ońtústiginde jáne ońtústik-shyǵysynda muz qatýy álsireıdi, sý deńgeıi kóteriledi. Shyǵys Qazaqstan oblysynyń ózenderinde muz qatýyna baılanysty sý deńgeıi qubylady. Qazaqstannyń batysyndaǵy, soltústigindegi jáne ortalyq oblystaryndaǵy sý nysandarynda qysqy rejım saqtalady.
