Búgin qazaq televızııasy qyzmetin bastaǵan kún
ASTANA. QazAqparat - Búgin - «Qazaqstan» ulttyq telearnasynyń 56 jyldyq mereıtoıy. Kógildir ekrannyń elimizde sáýle shashqanyna da jarty ǵasyrdan asty. Osy jyldarda ol tehnıkalyq jańǵyrý, shyǵarmashylyq kúshterdiń ósip, tolysýy jaǵynan da san belesti bastan ótkerdi, dep habarlaıdy kaztrk.kz.
Telearna kún saıyn el ómirindegi aıtýly oqıǵalardyń bel ortasynan tabyldy. Keń baıtaq respýblıkanyń túkpir-túkpirinen eń mańyzdy oqıǵalardy kózi qaraqty kórermenine qaz qalpynda jetkizdi. Ár otbasynyń ajyraǵysyz serigine aınaldy.
1958 jyly irge kótergen telearna alǵashynda 5 saǵattyq habar tarata bastaǵan. Tehnıkalyq áleýeti jyl saıyn ulǵaıǵan telearna 1987 jyly teletaratylym boıynsha odaqtas respýblıkalar ishinde tórtinshi, kórkem jáne derekti fılmder óndirisi boıynsha ekinshi oryndy ıelendi.
«Kezinde efırdegi ádemi ádebi men izetti qımyldary, syrly da sulý sóz saptasymen Zulqııa Jumatova, Neılıa Omarova, Lázıza Aımasheva syndy dıktorlar jurttyń júregin jaýlady.Talaı shákirt tárbıeledi. Olardyń qatarynda Lasker Seıitov pen Qajy Qorǵanov bar.Sondaı myqty dıktorlardyń izimen qalyptasqan qazaq telejýrnalıstıkasynyń mektebi búginde jańashyl jastarmen jalǵasyn tapty» delingen habarlamada.
