Búgin - qazaq mýltıplıkatsııasynyń negizin qalaýshy Á. Qaıdarovtyń týǵan kúni
ASTANA. QazAqparat - 93 jyl buryn (1923-2015) sýretshi jáne anımatsııalyq kıno rejısseri, qazaq mýltıplıkatsııa óneriniń negizin qalaýshy, Qazaqstan Memlekettik syılyǵynyń laýreaty Ámen Ábjanuly Qaıdarov dúnıege keldi.
Qaraǵandy oblysynda týǵan. Almaty kórkemsýret ýchılışesin, Máskeýdegi Kınematografııa ınstıtýtynyń kórkemsýret bólimin bitirgen. «Qazaqstan áıelderi», «Ara» jýrnaldary redaktsııalarynda istegen. 1965 jyldan «Qazaqfılm» kınostýdııasynda qyzmet atqarǵan. 1976-1981 jyldary Qazaqstan Kınematografııashylar odaǵy basqarmasynyń mýltıplıkatsııalyq kıno jáne shyǵarmashyl jastar arasyndaǵy jumys jónindegi hatshysy bolǵan. 1967 jyly Qaıdarovtyń salǵan sýreti boıynsha «Qarlyǵashtyń quıryǵy nege aıyr?» atty mýltfılm jasalǵan. Atalmysh týyndy Sankt-Peterbor qalasynda ótken Búkilodaqtyq kınofestıvalda, Nıý-Iork qalasynda ótken Halyqaralyq mýltıplıkatsııalyq fılmder festıvalinde júldege ıe bolǵan. Sondaı-aq onyń «Aqsaq qulan», «Quıyrshyq», «Qojanasyr qurylysshy», «Janar», «Kún sáýlesinen paıda bolǵan kójek», «Qyryq ótirik», t.b. mýltfılmderi bar.
«Parasat», «Qurmet belgisi» ordenderimen, medaldarmen marapattalǵan.
