Búgin - Qazaq fýtbolynyń kúni
ASTANA. QazAqparat - Búgin elimizdiń barlyq óńirinde Qazaqstan fýtbolynyń kúni atalyp ótedi, dep habarlaıdy QazAqparat Qazaqstan Kásipqoı fýtbol lıgasyna silteme jasap.
Esterińizge salsaq, 2002 jyldyń 25 sáýiri kúni Shvetsııa astanasy Stokgolmde ótken ÝEFA Kongresinde Qazaqstan resmı túrde Eýropa fýtbol qaýymdastyqtarynyń odaǵyna qabyldandy. Elimiz atalǵan qaýymdastyqqa 52-shi bolyp kirdi. Otandyq fýtbol tarıhynyń jańa kezeńi osy mańyzdy oqıǵadan bastaldy.
«Bizdiń fýtbolshylar Eýropa arenalarynda kári qurlyqtyń myqty ujymdaryna qarsy turdy. Búgin Qazaqstanda fýtbol damý jolyn jalǵastyryp, onyń órleýine memleket pen qoǵam nazary zor yqpal etip keledi. Barlyq fýtbol jankúıerlerine úlken sporttyq jeńister tileımiz! Densaýlyq, baqyt jáne qazaqstandyq klýbtar men ulttyq qurama oıyndarynan tamasha áser alýlaryńyzǵa tilekshimiz!» - delingen Qazaqstan Kásipqoı fýtbol lıgasynyń baspasóz qyzmeti taratqan habarlamada.
Fýtboldan el quramasy 2018 jylǵy sáýir aıyna sáıkes FIFA reıtınginde 119-orynda tur.
