Búgin - Qaýipsizdik jónindegi maman kúni
ASTANA. 12 qarasha. QazAqparat - Qaýipsizdik jónindegi maman kúni - qaýipsizdikti qurý jáne qamtamasyz etý qyzmetiniń barlyq kásibıleri keńinen atap ótetin mereke.
Basqasha aıtqanda, búgin óz taǵdyrlaryn aýyr mamandyq - sekıýrıtımen (aǵylsh. security) baılanystyrǵan barlyq mamandardy quttyqtaýǵa bolady.
Merekeniń bastamashysy jáne uıymdastyrýshysy - qaýipsizdik jónindegi iri ınternet-portal Sec.Ru. Olardyń usynysy boıynsha Qaýipsizdik jónindegi maman kúni jyl saıyn 12 qarasha kúni atap ótiledi.
Qaýipsizdik jónindegi mamandardyń jumysy naryqtaǵy joǵary tehnologııaly jáne suranysy úlken kásip. Sekıýrıtı mamandary adamdar óz qaýipsizdikteri úshin rııasyz alǵystaryn bildiretin - qutqarýshylar, polıtseıler men órt sóndirýshiler sııaqty dástúrli kásip ıelerimen qatar, sońǵy kezde buqaralyq aqparat quraldarynyń nazarlaryn ózderine aıtarlyqtaı aýdarta bastady.
Kóptegen jyldar boıy qaýipsizdik qyzmeti bul - erlerdiń asa qıyn kásibi dep sanalyp keldi. Biraq sońǵy jyldary názik jandylar bul stereotıpti buzyp keledi. Osyǵan oraı búgin birqatar memleketterde qaýipsizdik salasyndaǵy áıelder arasynda «Qaýipsizdik arýy» baıqaýlary ótkiziledi.
