Búgin Qaraǵandyda jaýyngerlik aralas jekpe-jekten Qazaqstan chempıonaty bastalady
ASTANA. QazAqparat - 28-29 sáýirde Qaraǵandydaǵy Serik Sápıev atyndaǵy Boks ortalyǵynda jaýyngerlik aralas jekpe-jekten (MMA) besinshi Qazaqstan chempıonaty ótedi, dep habarlaıdy oblys ákimdiginiń resmı saıty .
Bıyl chempıonat jańa erejelermen ótkiziledi, oǵan alǵash ret áıelder qatysqaly otyr.
Jekpe-jekter qaıta qurylǵan Qazaqstannyń MMA qaýymdastyǵynyń qamqorlyǵymen ótkiziledi. Oǵan Qazaqstannyń MMA federatsııasy kiredi.
Chempıonat toǵyz salmaq sanatynda ótedi. Áıelderdiń qatysýymen kórneki jekpe-jekter ótedi. Onyń nátıjesi sportshylardyń daıyndyq deńgeıin anyqtaıdy. Jarysqa 52,2-56,7 kg, 61,2 kg deıingi, 65,8 kg deıingi jáne 70,3 kg deıingi salmaq sanatyndaǵy qyzdar qatysady.
Jańa erejeler QR mádenıet jáne sport mınıstrligimen bekitildi jáne IMMAF halyqaralyq aralas jekpe-jekter federatsııasynyń talaptary men standarttaryna sáıkes keledi.
Jeńimpazdar Qazaqstannyń ulttyq quramasyna kiredi jáne bıyl Sıngapýr men Bahreınde ótetin Azııa jáne Álem chempıonattarynda el namysyn qorǵaıdy.
Aldyn ala jekpe-jekter 28 jáne 29 sáýirde saǵat 10.00-da, al fınaldyq saıystar 29 sáýirde saǵat 18.00-de bastalady.
