Búgin Qaraǵandy oblysynyń eki qalasynda aýa sapasy nasharlaıdy
NUR-SULTAN. QazAqparat – 9 maýsym kúni Qazaqstan qalalarynyń basym bóliginde jaǵymdy meteorologııalyq ahýal kútiledi, dep habarlaıdy QazAqparat.
«Qazgıdromet» RMK málimetinshe, atmosferalyq aýanyń lastanýy tek Temirtaý jáne Balqash qalalarynda boljanady.
Ózge shaharlarda atmosferalyq aýa sapasy norma sheginde bolady.
Sınoptıkter 8 maýsymda aýa sapasy Temirtaý qalasynda nasharlaıtynyn aıtqan bolatyn.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
