Búgin Qaraǵandy oblysynyń barlyq aımaqtarynda Ánuran shyrqaldy

QARAǴANDY. QazAqparat - Qaraǵandy oblysynyń ákimdiginde QR Memlekettik rámizder kúni onlaın rejımde ótken «QR Memlekettik rámizderiniń fılosofııasy - Uly dala tarıhynda» atty dóńgelek ústel ótkizildi, dep habarlaıdy QazAqparat tilshisi.

Dóńgelek ústelge oblys ákimi Jeńis Qasymbek, Memlekettik Eltańbanyń avtory, belgili qoǵam qaıratkeri, Eýrazııa ulttyq ýnıversıtetiniń professory Jandarbek Málibekov, Memlekettik rámizder jónindegi oblystyq komıssııa músheleri, qoǵam qaıratkerleri, ǵalymdar, jastar ókilderi jáne t. b. qatysty.

Jıynda oblys ákimi memlekettik rámizderdiń árbir qazaqstandyqtyń ómirindegi mańyzdylyǵyn atap ótti.

«Sizderdi Qazaqstannyń árbir azamaty úshin eń mańyzdy kún – memlekettik rámizder kúnimen quttyqtaımyn. 28 jyl buryn, 4 maýsymda Qazaqstannyń memlekettik ıdeologııasy negizinde eldiń negizgi atrıbýttary qabyldandy jáne álem kartasynda Táýelsiz Qazaqstan mártebesi belgilendi. Bizdiń táýelsizdigimizdi álemge pash ete otyryp, memlekettik rámizder uly dalany mekendegen halqymyzdyń san ǵasyrlyq tarıhy men mádenıetin beıneleıdi. Elimizdiń basty zańynda «Árbir azamat Qazaqstan Respýblıkasynyń Memlekettik rámizderin qurmetteýge mindetti« delingen. Ana sútimen birge týǵan jerge degen mahabbat sińiriledi, sondaı-aq otansúıgishtikke tárbıeleý de otbasynan bastalady. Qarapaıym otbasylyq tarıhtan, ulttyq ádebıetti oqýdan, birlesken oıyndardan bastalady», - dep atap ótti Jeńis Qasymbek.

4 maýsymda saǵat 11.00-de Ánuran Qaraǵandy oblysynyń barlyq aımaqtarynda shyrqaldy. Aktsııaǵa 1 myńǵa jýyq uıym jáne 10 myńnan astam adam qatysty. Sonymen qatar, barlyq qala men aýdanda búgin Memlekettik rámizder kúnine arnalǵan júzdegen is-shara ótip jatyr. Elimizdiń negizgi atrıbýttaryna degen osyndaı qurmet ár kúnniń normasyna aınalýy tıis, dep atap ótti oblys ákimi.

Oblys basshysynyń sózin dóńgelek ústel qonaqtary qoldady. Jandarbek Málibekovtiń pikirinshe, jas urpaqqa memlekettik rámizderdiń qurylý tarıhymen tanystyra otyryp, patrıottyq tárbıe berý qajet.

«Barshańyzdy osy qasıetti kún - Qazaqstan Respýblıkasynyń Memlekettik rámizderi kúnimen quttyqtaımyn. Áli de esimde, bizdiń Eltańba 1992 jylǵy 4 maýsymda saǵat 17.27-de qabyldandy. 360 depýtat oǵan daýys berdi. Bastapqyda syn aıtyldy, biraq biz bárin eskerdik. Eltańbanyń negizgi ıdeıasy - shańyraq. Ejelgi ýaqytta Ulytaý aýdanynda jáne qazirgi Qazaqstannyń basqa da belgili jerlerinde taıpalar kósemderi óz belgilerin qaldyrdy. Bul sımvoldardyń maǵynasy - máńgilik el, ıaǵnı táýelsizdik pen erkindik. Qaraǵandy oblysy Eltańbanyń qurylý tarıhyna óz úlesin qosty», - dep atap ótti Jandarbek Málibekov.

Sh. Ýálıhanov atyndaǵy tarıh jáne etnologııa ınstıtýtynyń dırektory, Qazaqstan tarıhy kafedrasynyń professory Zııabek Qabyldınov memlekettik rámizderdi nasıhattaý úshin synnan ótken halyqaralyq ádisterdi qoldaný qajet dep sanaıdy.

«Memlekettik rámizder jónindegi birinshi konferentsııa Qaraǵandy oblysynda onlaın formatta ótýde. Memlekettik rámizderdi nasıhattaý úshin halyqaralyq tájirıbe men ádisterdi qoldaný qajet. Mysaly, Shvetsııada Tý kúni toılanady. Nege biz osylaı jasamaımyz? Belgııada Gımn eskertkishi bar. Nege bizde osylaı istemeske? Mundaı mysaldar óte kóp», - dep paıymdaıdy Zııabek Qabyldınov.

Dóńgelek ústelge qatysýshylar memlekettik rámizderge qurmetpen qaraýdy tárbıeleý - úzdiksiz protsess degen pikirge keldi. Bul úderispen halyqtyń barlyq sanattary qamtylýy tıis.

Shara sońynda Qaraǵandy oblysy ákiminiń Alǵys hatymen aımaqtyń qoǵamdyq ómirinde erekshe kózge túsken azamattar marapattaldy.