Búgin Qaraǵandy oblysynda eki bala terezeden qulap ketti
QARAǴANDY. QazAqparat – Qaraǵandy oblysynda eki bala terezeden qulady. Bir balanyń jaǵdaıy aýyr, dep habarlaıdy QazAqparat tilshisi.
29 sáýirde Sátbaev qalasynda 2013 jyly týǵan bala 5-qabattaǵy páterdiń terezesinen qulap kett. Qazirgi ýaqytta balanyń jaǵdaıy aýyr.
Dál osyndaı jaǵdaı búgin Balqashta da boldy. Onda 2-shi qabattaǵy páterdiń terezesinen 3 jasar bala qulap tústi. Bala medıtsınalyq mekemege jatqyzyldy.
TJD qyzmetkerleri ata-analarǵa qaýipsizdik sharalary týraly eskertedi, óıtkeni jaz mezgilinde osyndaı jazataıym oqıǵalar jıilep ketedi. Balalardyń jaraqattanýy men óliminiń negizgi sebebi eresekter tarapynan tıisinshe qadaǵalanbaýy bolyp tabylady.
«Ata-analardy kishkentaı balalardy qadaǵalaýdy kúsheıtýge, olardy terezeleri ashyq bólmelerde jalǵyz qaldyrmaýǵa shaqyramyz. Bala terezege kóterile almaıtyndaı etip jıhazdyń barlyq túrlerin terezeden alystatyńyzdar. Moskıt torlaryna senbeńizder! Olar qulaýdan qorǵaýǵa arnalmaǵan. Balanyń terezeni birneshe santımetrden artyq ashýyna jol bermeıtin arnaıy qysqyshtardy qoıyńyzdar. Terezelerdiń qaýiptiligi týraly balalarmen sóılesińizder. Múmkinshilik bolsa arnaıy qurylǵylar ornatqan jón. Terezeniń tutqalaryn alyp tastap, tek qajett kezde ǵana paıdalanyńyzdar», - deıdi qutqarýshylar.
