Búgin Qaraǵandy oblysynda eki adam sýǵa ketti
QARAǴANDY. QazAqparat - Búgin Qaraǵandy oblysynyń sý qoımalarynda eki adam sýǵa batyp ketti. Eki er adam jabdyqtalmaǵan jerde shomylǵan, dep habarlaıdy QazAqparat tilshisi.
6 shilde saǵat 17:40-ta Abaı aýdanynda, Sherýbaı-Nura sý qoımasynda Qaraǵandy oblysy TJD kúshimen 1967 jyly týǵan er adamnyń denesi tabylyp, sýdan shyǵaryldy.
Ol shomylý úshin arnaıy jabdyqtalmaǵan jerde sýǵa batyp ketti.
Sondaı-aq, saǵat 18:18-de Qaraǵandyda Kógildir toǵan shaǵynaýdanynyń mańynda jabdyqtalmaǵan jerde jas jigittiń sýǵa batqany týraly habarlama kelgen.
«6 shilde kúni saǵat 20:39-da Qaraǵandynyń qutqarýshylary 1996 jyly týǵan jigittiń máıitin Ońtústik-Shyǵys jáne Kógildir toǵan shaǵyn aýdandarynyń janynda ornalasqan «Trıatlon park» mańyndaǵy jasandy sý qoımasynan shyǵaryp aldy. Ol sýǵa shomylýǵa jabdyqtalmaǵan jerde batyp ketken», - dep habarlady Qaraǵandy oblysy TJD baspasóz qyzmeti.
Qutqarýshylar demalý barysynda azamattardan shomylý kezinde barynsha saq bolyp, jaýapkershilik tanytýdy suraıdy.
