Búgin Iranda frantsýz oqytýshysynyń sottaǵy isi aıaqtalady
ASTANA. Qańtardyń 16-sy. QazAqparat - Búgin Iranda tyńshy dep aıyptalǵan Frantsııa azamatynyń sot isi aıaqtalady dep kútilýde.
Bul týraly «Azattyq» radıosy habarlaıdy.
24 jastaǵy oqytýshy Klotılda Reıs hanymǵa sonymen birge, ótken jyldyń maýsym aıynda Mahmud Ahmadınejad el prezıdenti bolyp saılanǵannan keıin, ırandyq oppozıtsııanyń narazylyq sharalaryn uıymdastyrýǵa kómektesti degen de aıyp taǵylyp otyr.
Reıs hanymnyń sottaǵy isi tamyz aıynda bastalǵan bolatyn. Kepilmen bostandyqqa shyǵarylǵan ol, qazir sot úkimin Tegrandaǵy frantsýz elshiliginde kútýde.
