Búgin - Immýndaýdyń dúnıejúzilik aptalyǵy bastaldy
ASTANA. 24 sáýir. QazAqparat - Immýndaýdyń dúnıejúzilik aptalyǵy sáýirdiń ekinshi jartysynda Dúnıejúzilik densaýlyq saqtaý uıymynyń bastamasymen ótkiziledi.
Áý basta bul is-shara Immýndaýdyń Eýropalyq aptalyǵy dep ataldy jáne sáıkesinshe, Eýropa elderin ǵana qamtydy, keıinnen oǵan ózge qurlyqtar da qosyldy.
Aptalyqty ótkizýdiń maqsaty - qoǵamnyń nazaryn adamzatty ınfektsııalyq aýrýlardan saqtaýǵa múmkindik beretin basty aldyn alý ádisteriniń biri retinde ımmýndaýǵa aýdartý. Dúnıejúzilik densaýlyq saqtaý uıymy otbasylarǵa ólimge alyp keletin syrqattarǵa qarsy balalardy mindetti egýdi tabandy túrde usynady.
Atalmysh Uıymnyń málimetterinshe, ımmýndaý jyl saıyn dıfterııa, sirespe, kókjótel, qyzylsha, mysqyl men qyzamyqtan bolýy múmkin 2-den 3 mıllıonǵa deıingi ólim jaǵdaılaryn boldyrmaıdy.
