Búgin Harbınde birinshi reseılik-qytaılyq EKSPO kórmesi ashylady

Bul aýqymdy shara reseılik ónerkásiptik kompanııalar men ınstıtýttardyń ónimderi men óndiristik-tehnıkalyq jańalyqtaryn kórsetýdi, Reseı aımaqtarynyń ónerkásiptik jáne ınvestıtsııalyq áleýetiniń tusaýkeserlerin ótkizýdi, ekijaqty yntymaqtastyq jobalaryn damytýdy jáne jańa baılanystar ornatýdy kózdeıdi, dep habarlaıdy RIA Novostı. «Bul eki el úshin de aýqymdy kórmelik shara bolyp otyr. Bul shara barlyq baǵyttar boıynsha uzaqmerzimdi ári ózara tıimdi yntymaqtastyqtyń is júzindegi dáleli bolyp tabylady», - dedi RF vıtse-premeri Dmıtrıı Rogozın.

Onyń aıtýynsha, sońǵy birneshe jyldar boıy QHR Reseıdiń basty saýda-ekonomıkalyq áriptesi bolyp tabylady.

«Ótken jyly elderimizdiń arasyndaǵy taýar aınalymy 90 mlrd. dollarǵa jýyqtady, al 2020 jyly bul kórsetkish 200 mlrd. dollarǵa deıin jetedi dep úmittenip otyrmyz», - dedi vıtse-premer.

Sondaı-aq D.Rogozınniń málim etýinshe, Reseı delegatsııasynyń quramynda bul kórmege osy eldiń 12 federaldyq vedomstvosy men 39 aımaǵynyń basshylary kelgen. Olardyń ishinde jetekshi korporatsııalar men holdıngterdiń ókilderi bar.

EKSPO-nyń iskerlik bóliginde 13 shara qamtylǵan.