Búgin - Halyqaralyq jumys kúshin satý qurbandaryn eske alý men ony joıý kúni
ALMATY. 23 tamyz. QazAqparat - Halyqaralyq jumys kúshin satý qurbandaryn eske alý men joıý kúni jyl saıyn 23 tamyz kúni ıÝNESKO-nyń atqarýshy keńesiniń 150-shi sessııasyndaǵy usynysy boıynsha 1791 jyly San-Domıngo men Gaıtıde quldardyń kóterilisi bolǵan kúnine oraı atalyp ótedi. Bul qulıelenýshilik júıesin joıýdyń bastamasy boldy.
Úshinshi myńjyldyqtyń basynda osy kúnge oraı AQSh-tyń Ogaıo shtatynda qulıelenýshilik tarıhy murajaıynyń ashyldy. Jumys kúshin tasymaldaýdyń negizgi pýnkti bolǵan Senegal jaǵalaýyndaǵy Gorı aralynda jyl saıyn jumys kúshin saýdalaýshylardyń qurbandaryn eske alý kúni atap ótiledi.
Qulıelenýshilik adamzat tarıhyndaǵy eń bir qaıǵyly jáne qasiretti betteri bolyp saqtalady. Qul ıelený halyqaralyq deńgeıde toqtatylsa da, onyń osy zamanda jańa formalary bar, oǵan búkil álem boıynsha mıllıondaǵan adam tartylǵan.
BUU málimeti boıynsha, jyl saıyn mıllıondaǵan adam, negizinen, áıelder men balalar arbaý men zorlyq-zombylyqtyń qurbandaryna aınalady. Olardyń kúshi «tiri taýar» retinde quldyqqa paıdalanylady. «Jańa jumys saýdasy» qazirgi zamandaǵy eń ózekti ári keń aýqymdy máselege aınalyp otyr.
