Búgin - Halyqaralyq jastar kúni
ALMATY. QazAqparat - Búgin - Halyqaralyq jastar kúni. Bul kúndi BUU Bas Assambleıasy, jastar isi boıynsha mınıstrlerdiń 1998 jyly 8-12 tamyzda Lıssabon qalasynda ótken Búkilálemdik konferentsııasynyń usynysy boıynsha bekitken.
Halyqaralyq jastar kúniniń 2014 jylǵy taqyryby: «Jastar jáne psıhıkalyq densaýlyq». Psıhıkalyq densaýlyǵy nashar jastar qoǵam tarapynan jıi kemsitýshilikke ushyrap jatatyny jasyryn emes. Bul óz kezeginde olardyń oqshaýlanýyna, tuıyqtalýyna ákep soǵýy múmkin. Olar bertin kele ózderine osylaı at qoıyp, aıdar taǵylǵan soń, qandaı da bir kómek suraýdan qashqaqtaıtyn bolady. Sondyqtan, búgingi kún qoǵam nazaryn osy máselege aýdarýǵa baǵyttalǵan.
Sonymen qatar, bul kúndi atap ótý - jastar múddesin qorǵaýǵa arnalǵan Búkilálemdik is-áreket baǵdarlamasyn júzege asyrýǵa jáne ol týraly jastardy habardar etýge baǵyttalǵan. Bul baǵdarlamany 1995 jyly BUU qabyldaǵan bolatyn. Al 2007 jyly keńeıtildi.
Baǵdarlama 15 baǵytty qamtıdy. Olar: bilim, jumyspen qamtý, ashtyq jáne kedeılik, densaýlyq saqtaý, qorshaǵan orta, nashaqorlyq, kámeletke tolmaǵandar arasyndaǵy qylmys, bos ýaqytty uıymdastyrý, arýlar men jas kelinshekter, jastardyń qoǵam ómirine jáne sheshim qabyldaý úderisine tolyqqandy jáne tıimdi aralasýy, jahandaný, aqparattyq-kommýnıkatsııalyq tehnologııalar, AQTQ/JQTB, qarýly qaqtyǵystar jáne urpaqtardyń ózara qarym-qatynas máselesi.
BUU klassıfıkatsııasy boıynsha jastardyń jas erekshelikteri - 15 jastan 24 jasqa deıingi aralyqty qamtıdy. Demek, qazirgi tańda álemde 1,2 mlrd. jas aazmattar ómir súredi. Bul búkil jer shary haqynyń 18 paıyzyn quraıdy. Olardyń kópshiligi damýshy elderde ómir súredi jáne ókinishke qaraı ár túrli resýrstarǵa, densaýlyq saqtaý qyzmetterine, bilimge, kásibı daıyndyqqa, jumysqa turýǵa jáne basqa da ekonomıkalyq múmkindikterge qol jetkizý múmkindiginiń shekteýliginen zardap shegedi.
