Búgin Halyqaralyq jábirlemeýshilik kúni
ASTANA. 2 qazan. QazAqparat - BUU-nyń Bas Assambleıasy 2007 jyldyń 27 maýsymynda (BUU-nyń №A/RES/61/271 qarary) bekitken.
Data 2007 jyldan bastap jyl saıyn 2 qazan kúni jábirlemeý fılosofııasynyń negizin qalaýshy Mahatma Gandıdiń týǵan kúninde atap ótiledi.
Bas Assambleıa qararynda aıtylǵandaı, bul Halyqaralyq kúnniń maqsaty - beıbitshilik, shydamdylyq, túsinistik pen jábirlemeýshilik mádenıetin bekitýge talpynys. Qarar barlyq adamdarǵa osy data týraly jarııa etip, osy kúndi atap ótýge jáne merekeleýge shaqyrady.
Úndistannyń Halyqaralyq ister jónindegi memlekettik mınıstri Anand Sharma Bas Assambleıaǵa bul qarardy 140 avtordyń atynan usyndy. Ol óz sózinde marqum basshy Mahatma Gandıdiń: «Jábirlemeýshilik adamzattyń qolyndaǵy asa úlken kúsh bolyp tabylady. Ol adam jasampazdyǵynan týyndaǵan eń qýatty joıǵysh qarýdan da myqty», - degen sózderin keltirdi.
