Búgin - Halyqaralyq zerger kúni
ASTANA. 31 qańtar. QazAqparat - Zergerlik eń kóne mamandyqtardyń biri, sebebi, adamdar ózderin sándeýdi qashanda unatqan. Alǵashqy áshekeıler sol kezdegi quraldarmen óńdeýge keletin ártúrli qosalqy materıaldardan jasalyndy.
Mysalǵa olar ulý qabyrshaǵynan jasalǵan monshaqtar, azý tisterden jasalǵan alqalar jáne taǵy basqalary boldy. Eń qymbat jáne ásem áshekeılerdi taıpanyń kósemi taqty.
Zergerlik ónerdiń otany Ejelgi Mysyr sanalady. Osy jerde alǵash ret tastarǵa órnekter salyndy, jarqyraýyq tastary bar baǵaly metaldardan jasalǵan áshekeıler paıda boldy. Ejelgi sheberlerdiń buıymdary qazirgi kúnge deıin tańdanys týǵyzýda. Áshekeılik zattarǵa baǵaly tastar, gaýhar tastar, káriptastar jáne jarqyraýyq tastar paıdalanyldy.
