Búgin Halyqaralyq únemdeý kúni
ASTANA. 31 qazan. QazAqparat - 1988 jyldyń 27 qazany kúni 29 eldiń jınaq kassalarynyń ókilderi Mılanda ózderiniń Birinshi halyqaralyq arnaıy kongresterine jınaldy.
Kongress jumysynyń sońǵy kúni - 31 qazanda «barlyq elderdegi jınaqtaý bankteri ınstıtýttarynyń birinshi quryltaıyn este qaldyrý» ıdeıasy ómirge kelip, bul kúndi «Halyqaralyq únemdeý kúni» (International Saving Day) retinde jyl saıyn atap ótý sheshimi qabyldandy.
Biraq bul kúndi quryltaıshylardyń ıdeıasy boıynsha, aqshany únemdeýge ǵana emes, sonymen qatar ýaqyt pen kúsh-jigerdi únemdeýge, zattarǵa uqypty qaraýǵa jáne osy syndy ózge de taqyryptarǵa arnaý kerek.
1989 jyly BUU-nyń nusqaýymen Halyqaralyq únemdeý kúni resmı túrde bekitildi.
Búgin kóptegen elde Halyqaralyq únemdeý kúni umyt qaldy, sebebi onyń datasy 31 qazan kúni atap ótiletin Helloýınmen sáıkes keledi.
Halyqaralyq únemdeý kúni bul data merekelik bolyp tabylmaıtyn álem elderinde jyl saıyn 31 qazan kúni atap ótiledi. Sebebi bul kúndi bekitýdegi ıdeıa - barlyq bankter ashyq bolyp, halyqqa saqtalǵan aqshalaryn ózderiniń shottaryna aýdarý múmkindigin berý bolatyn. Mysalǵa Germanııada Halyqaralyq únemdeý kúni 31 qazannyń aldyndaǵy jumys kúniniń sońǵy kúni atap ótiledi. Sebebi 31 qazan keıbir oblystarda mereke - Reformatsııa kúni bolyp tabylady.
