Búgin - Halyqaralyq toleranttylyq kúni (tózimdilik)
ASTANA. 16 qarasha. QazAqparat - Bul kún saltanatty túrde ıÝNESKO-nyń «Tózimdilik qaǵıdattarynyń deklaratsııasynda» jarııa etildi.
Deklaratsııa 1995 jyly ıÝNESKO-nyń 28-shi Bas konferentsııasynda (5.61 qarary) bekitildi.
Deklaratsııada tózimdilik (toleranttylyq) «bizdiń álemimizdiń asa baı kóptúrli mádenıetine, óz-ózin tanytý formalaryna jáne adamnyń jeke daralyǵyn kórsetý ádisterine qurmetpen qaraý, qabyldaý jáne durys túsiný» maǵynasynda kórsetildi. Deklaratsııaǵa sáıkes, «adamdar tabıǵatynan syrtqy kelbetterimen, bedelimen, sóıleý mádenıetimen, tártibimen, qundylyqtarymen erekshelenedi jáne beıbitshilikte ómir súrý, óziniń daralyǵyn saqtap qalý quqyǵyna ıe».
1996 jyly BUU-nyń Bas Assambleıasy múshe-memleketterge jyl saıyn 16 qarasha kúni Halyqaralyq tózimdilik kúnin atap ótýdi usyndy.
Sońǵy jyldary bútin álem boıynsha tózimsizdik, ekstremızm jáne zorlyq-zombylyq oqıǵalarynyń kúrt óskeni baıqaldy. Bul qaýip týdyratyn úrdis pikirler men qyzyǵýshylyqtar turǵysynan emes, adamdardyń ózindik ereksheligi turǵysynan týyndap otyr.
Nátıjesinde jekelegen adamdar jáne bútin qaýymdar ózderiniń etnıkalyq, dinı, ulttyq nemese ózge de ózindik erekshelikterine baılanysty zorlyq-zombylyq pen qatygezdiktiń nysany bolyp keledi. Qate túsinikten bolatyn mundaı qaýipterge, meıli olar keń aýqymdy genotsıd nemese kúndelikti kemsitýshilik bolsyn, árbir adam oǵan qorqynyshpen qaraýy tıis.
