Búgin - Halyqaralyq tango bıi kúni
ASTANA. 11 jeltoqsan. QazAqparat - 11 jeltoqsan kúni argentınalyq ánshi jáne kınoakter, ataqty «Tango patshasy» Karlos Gardelıanyń týǵan kúninde (1887 (nemese 1890) - 1935 jj.) Halyqaralyq tango bıi kúni atap ótiledi.
Bul bıde sóılesýge, kúlýge, tipti, bir-biriniń kózine qaraýǵa bolmaıdy. Bıge daýystap shaqyrý til tıgizýmen para-par. Máselen, seriktesińizdi kózben jáne erindi az ǵana qımyldatý arqyly shaqyra alasyz.
Tangonyń paıda bolýynyń kóptegen nusqalary bar. Olardyń arasynda keń taraǵanyna súıensek, osyǵan uqsas bı Býenos-Aıres portty qalasynyń mańyndaǵy eldi mekenderde paıda boldy. Onda 19-20 ǵasyrda álemniń kóptegen mádenı dástúrleri - kýbalyq habaneranyń, afrıkandyq kandombanyń, argentınalyq melongıdiń, ıspandyq flamengonyń jáne sheteldik teńizshiler alyp kelgen ózge de eýropalyq bılerdiń rıtmderi toǵysyp, birbútinge aınaldy.
Al Karlos Gardel Frantsııa týmasy, erte balalyq shaǵynda Argentınaǵa kóship kelgen. Jastyq shaǵynda tangony qatty unatqany sonshalyq, kóp uzamaı bútin Argentınaǵa tanymal boldy. Al eýropaǵa kóship barǵannan keıin tangony Parıjge kórsetti, budan ári atalmysh bı elder men qurlyqtarǵa taraı bastady.
Bul rette, aıta ketý kerek, tangony Germanııada jáne Reseıde bıleýge tyıym salyndy. Biraq bul, bıdiń úlken tanymaldylyǵyna keri áserin tıgizbedi. 1920-1930 jyldary KSRO-da tango úmit úzdiretin, meşandyq bı bolyp sanaldy, degenmen, tango mýzykasy jazylǵan kúıtabaqtar qoldan-qolǵa tarap otyrdy.
