Búgin - Halyqaralyq taksıst kúni
ASTANA. 22 naýryz. QazAqparat - 22 naýryz kúni barsha álemdegi taksıster kásibı merekelerin atap ótedi.
Dál osy kúni 1907 jyly London kóshelerinde arnaıy eseptegishteri bar alǵashqy avtomobılder paıda boldy. London tasymaldaýshylary eseptegishti frantsýzdyń «taks» («aqy») jáne grekııanyń «metron» («ólshem») sózderinen alynǵan - «taksımetr» dep atady. Sol ýaqyttan beri jekemenshik qalalyq kólik - taksı, al tasymaldaýshylar - taksıster atala bastady.
Alǵashqy londondyq taksı kólikteri jasyl jáne qyzyl tústi boldy. Bul kólikterdiń dástúrli - sary túsin Hertz Corporation kompanııasynyń negizin qalaýshy Djon Hertts oılap tapty. Jańa kólikterdiń aqysy retinde eski avtomobılderdi qabyldaǵan tapqyr amerıkalyq qoldanystan shyqqan mashınalardy sary túske boıap, olardy taksı retinde paıdalandy. Mundaı ashyq túske boıalǵan kólikter qala kóshelerinde nazardy birden aýdartty, kóp uzamaı osyndaı kompanııalardyń barlyǵy taksı kólikterin sary túske boıaı bastady.
Taksıdiń taǵy bir erekshe jáne dástúrli sımvoly - doıby túrindegi órnegi. Nusqalardyń birine sáıkes, alǵashqy doıbyly órnek ótken ǵasyrdyń 20-jyldary amerıkalyq kompanııanyń mashınalarynda paıda boldy. Jarystardyń sımvolıkasynan alynǵan órnek klıentterdiń nazaryn tartyp, olardyń oıyn jyldam qozǵalysqa jeteleýi tıis boldy.
