Búgin Halyqaralyq sapa kúni
ASTANA. 8 qarasha. QazAqparat - Halyqaralyq sapa kúni kóptegen elderde qarasha aıynyń ekinshi beısenbisinde ótkiziletin jyl saıynǵy is-shara.
Bul kúndi belgileýdiń bastamashysy BUU-nyń qoldaýymen Eýropalyq sapa uıymy bolyp tabylady.
Halyqaralyq sapa kúni 1990 jyly bekitildi. Al alty jyl ótkennen keıin Eýropalyq sapa uıymy qarashanyń ekinshi beısenbisin Eýropalyq sapa aptalyǵy dep jarııalady. Halyqaralyq sapa kúniniń maqsaty ónimder men qyzmetter sapasynyń joǵary bolýyna nazar aýdartý. Másele adam men qorshaǵan orta úshin taýarlardyń qaýipsizdiginde ǵana emes, sonymen qatar suranystar men tutynýshylar úmitiniń qanaǵattanýshylyq deńgeıinde bolyp otyr.
Sapa problemasy álemniń jetekshi elderiniń ekonomıkasyndaǵy anaǵurlym basymdyqty problemalardyń biri. Qazirgi jaǵdaıda sapa kez kelgen kásiporynnyń, salanyń jáne jalpy alǵan memlekettiń tabysqa jetýiniń kilti bolyp tabylady.
