Búgin – Halyqaralyq orman kúni
NUR-SULTAN. QazAqparat – Búgin Halyqaralyq orman kúni, dep habarlaıdy QazAqparat QR Ekologııa, geologııa jáne tabıǵı resýrstar mınstrliginiń Telegram kanalyna silteme jasap.
Ondaǵy aqparattarǵa qaraǵanda, Qazaqstan shaǵyn ormandy memleketterge jatady, el aýmaǵyndaǵy orman kólemi 4,8-ge teń.
«2030 jylǵa qaraı orman jamylǵysynyń úlesin 5%-ǵa deıin arttyrý josparlanýda. Ol úshin QR Ekologııa, geologııa jáne tabıǵı resýrstar mınıstrligi ormandardy qalpyna keltirý men orman ósirýdiń keshendi josparyn ázirleýde. QR Prezıdentiniń tapsyrmasy boıynsha 5 jyl ishinde orman qorynda 2 mlrd. aǵash otyrǵyzylady. Zańsyz aǵash kesý men órtterdi baqylaý úshin turaqty kosmomonıtorıng júrgiziledi. Qazaqstannyń ulttyq baılyǵy - ormandy saqtap, kóbeıtý mańyzdy!»,-delingen mınıstrliktiń habarlamasynda.
