Búgin - Halyqaralyq medbıkeler kúni
«Medıtsınalyq mekemelerdegi barlyq jumystyń 80%-dan astamy meıirgerlerdiń moınynda. Olar kún saıyn 24 saǵat patsıentterge qamqorlyq jasaıdy – ınfýzııa qoıady, tańǵyshty aýystyrady, qysymdy ólsheıdi, temperatýrasy men jalpy jaǵdaıyn baqylaıdy, aýyr naýqastardy emdeıdi. Olardyń qamqor qoldary men meıirimdi júregi naýqastarǵa operatsııadan keıingi alǵashqy qadamdardy jasaýǵa, aýrýlardy emdeýge, óz kúshine senýge kómektesedi.
Búginde Qazaqstanda meıirgerlerdiń tutas áskeri eńbek etýde. Orta medıtsınalyq qyzmetkerlerdiń kadrlyq áleýeti 185,7 myńnan astam mamannan turady, onyń ishinde 2 myń meıirgerdiń joǵary bilimi bar. Aýyldyq jerlerde 54 myńnan astam orta býyn medıtsına qyzmetkerleri jumys isteıdi», delingen Densaýlyq saqtaý mınıstrligi taratqan habarlamada.
Vedomstvonyń málimetinshe, 2021 jyly «Meıirger isi» mamandyǵy boıynsha taǵy da 3 myńǵa jýyq qoldanbaly ǵylymdar bakalavrlaryn shyǵarýǵa daıyndalyp, olar eń ıgi mamandyqtyń qataryn tolyqtyrady.
Q»urmetti meıirgerler, sizderdi kásibı merekelerińizben quttyqtaımyz. Sizderge shynaıylyq pen meıirimdilik, shydamdylyq pen adaldyq, uqyptylyq, jaýapkershilik jáne joǵary kásibılik qabiletterińiz úshin rahmet!
Biz pandemııa kezeńindegi sizdiń eńbegińiz úshin, árbir naýqastyń ómiri úshin janqııarlyqpen kúreskenińiz, óz densaýlyǵyńyzdy aıamaı, týystaryńyzdan bólek úlken fızıkalyq jáne moraldyq aýyrtpalyqtardy ıyǵyńyzǵa kótergenińiz úshin erekshe rızamyz.
Otbasylaryńyzǵa baqyt pen amandyq, densaýlyq, shydamdylyq jáne pandemııanyń barlyq qıyndyqtaryn jeńýge kúsh qýat tileımiz! Baǵa jetpes jumysyńyz úshin sizge taǵzym etemiz!», delingen habarlamada.
