Búgin - Halyqaralyq qustar kúni
ASTANA. 1 sáýir. QazAqparat - Halyqaralyq qustar kúni 1906 jyly Qustardy qorǵaý boıynsha konvetsııanyń bekitilýine baılanysty atap ótiledi.
Onyń negizgi erejeleri uıa salý jáne mekendi aýystyrý kezinde qustardyń barlyq túrlerin qorǵaýǵa, joıylyp ketý aldynda turǵan qustar túrlerin udaıy qorǵaýǵa; ań aýlaýdyń belgili bir túrlerine tyıym salýǵa nemese shekteý qoıýǵa; qustardy kóbeıtý úshin qoryqtardy qurýǵa jáne ekologııalyq bilim berýge baǵyttalǵan.
Qazirgi ýaqytta álemde qus tumaýyna qatysty aýyr epızootıkalyq ahýal qalyptasty. Atalmysh aýrý kún ótken saıyn óziniń sheńberine kóptegen elderdi engizýde jáne bul tek halyqaralyq uıymdardyń ǵana emes, sondaı-aq álemniń barlyq memleketteriniń, sonyń ishinde Qazaqstan úkimetiniń alańdaýshylyǵyn týǵyzýda. Atalmysh aýrý boıynsha ahýaly nashar elderden kóktemde qustardyń qaıta oralýymen respýblıka aýmaǵynda qus tumaýynyń paıda bolýy eskerile otyryp, jaǵdaıdy turaqtandyrý jáne Qazaqstanda tumaýdyń taralýyn boldyrmaý boıynsha sharalar qolǵa alyndy. Ahýaly nashar elderden memlekettik veterınarlyq qadaǵalaý qyzmetiniń baqylaýyna jatatyn júkterdi alyp kirýge tyıym salyndy. Sýda júzetin qustardy kóktem mezgilinde atyp alýǵa shekteý qoıyldy. Úı qustaryna baqylaý kúsheıtildi.
