Búgin - Halyqaralyq klıent kúni
ASTANA. 19 naýryz. QazAqparat - Álemde adamdar ózderine jaqyn áleýmettik topqa baılanysty atap ótetin kóptegen merekeler bar - Zeınetker kúni, Boss kúni, Ǵashyqtar kúni, Kásipker kúni.
Jýyrda bul tizim taǵy bir merekemen - Halyqaralyq klıent kúnimen tolyqty. Alǵash ret ol 2010 jyldyń 19 naýryzynda atap ótildi.
Taýar óndirýshiler men qyzmet kórsetýshilerge arnalǵan bul merekeniń maqsaty jańa klıentterdi tartýǵa jáne turaqty klıentterdi yntalandyrýǵa baǵyttalǵan. Bul kúni álemdegi bıznes ıeleri ózderiniń tutynýshylaryna yqpaldastyqtary úshin alǵystaryn bildire alady. Ony qalaı iske asyratyndyǵyn kásip ıeleri ózderi sheshedi, bireýler kádesyılar taratsa, ekinshileri jeńildik aktsııalaryn, merekelik is-sharalardy uıymdastyrady.
Bul merekeniń ıdeıasy Reseı men Lıtvanyń kásipkerlerine tıesili. Biraq bul bastama az ýaqytta bútin álem boıynsha jyldam tarady. Ony Eýropa men Amerıkadaǵy úlkendi-kishili kompanııalar, barlyq deńgeıdegi kásipkerler men saýda ortalyqtary qoldady.
