Búgin – Halyqaralyq Kaspıı kúni

NUR-SULTAN. QazAqparat - Búgin – Halyqaralyq Kaspıı kúni. Bul - teńiz jaǵalaýyndaǵy 5 memleket: Qazaqstan, Ázerbaıjan, Iran, Reseı jáne Túrikmenstan atap ótetin ekologııalyq kún, dep habarlaıdy QazAqparat.

QR Ekologııa, geologııa jáne tabıǵı resýrstar mınıstrliginiń málimetinshe, dál osy kúni 2006 jyly Kaspıı teńizi men qorshaǵan ortany lastanýdan qorǵaý jónindegi negizdemelik konventsııa kúshine endi.

«Qujatqa Tegeranda qol qoıyldy. Ol Kaspıı teńizi óńirin qorǵaýǵa qoıylatyn jalpy talaptardy qamtıdy jáne bul úshin qajetti ınstıtýtsıonaldyq tetikterdi qurýdy kózdeıdi.

Bul kúndi belgileýdegi maqsat - qarqyndy damyp kele jatqan Eýrazııanyń ónerkásiptik, kóliktik jáne kýrorttyq ortalyǵynda tabıǵatty qorǵaý, osy saladaǵy 5 memlekettiń yntymaqtastyǵyn nyǵaıtý jáne ekologııalyq bilimdi nasıhattaý.