Búgin Halyqaralyq ǵylym jáne beıbitshilik aptalyǵy bastaldy
ASTANA. 7 qarasha. QazAqparat - Búgin Halyqaralyq ǵylym jáne beıbitshilik aptalyǵy (7-13 qarasha) bastaldy.
Halyqaralyq ǵylym jáne beıbitshilik aptalyǵy alǵash ret Halyqaralyq beıbitshilik kúni sheńberinde 1986 jyly ótkizildi. Al ýaqytta aptalyq aıasyndaǵy is-sharalar úkimettik emes deńgeıde júzege asyryldy.
1986 jyly Ǵylym aptalyǵy sátti ótkizilgennen keıin onyń uıymdastyrýshylary dástúrdi jalǵastyrý sheshimin qabyldady. 1988 jyldyń jeltoqsanynda BUU-nyń Bas Assambleıasy Halyqaralyq ǵylym jáne beıbitshilik aptalyǵyn ótkizýdiń merzimin resmı túrde bekitken qarardy qabyldady. Osydan bastap bul mereke qarashanyń 11-inshi juldyzy túsetin apta boıy toılanady. Bul - 10 qarasha - Beıbitshilik pen damý úshin dúnıejúzilik ǵylym kúninen keıingi data bolyp tabylady.
BUU uıymǵa múshe-elderdi ǵalymdar arasyndaǵy halyqaralyq yqpaldastyqqa qolǵabys etýge tabandylyqpen shaqyrdy. Bul úshin Halyqaralyq ǵylym jáne beıbitshilik aptalyǵy aıasynda ýnıversıtetter men akademııalarda túrli dárister, semınarlar, pikirtalastar ótkizilýi tıis.
