Búgin - Halyqaralyq dostyq qushaqtasý kúni
ASTANA. 21 qańtar.QazAqparat - 21 qańtar kúni búkil álemde erekshe merekelerdiń biri - Halyqaralyq qushaqtasý kúni atap ótiledi.
Ol 1986 jyly AQSh-ta Ulttyq qushaqtasý kúni ataýymen paıda bolyp, keıinnen álem boıynsha qarqynmen tarap ketti.
Mereke dástúrine sáıkes, bul kúni dostyq qushaqqa, tipti, beıtanys adamdardy da alýǵa bolady.
Merekeniń paıda bolǵanyna az ýaqyt ótkenine qaramastan, búginde onyń avtoryn tabý qıynǵa soǵyp otyr.Bul ıdeıa alǵash kimniń oıyna kelgendigi jáne ony atap ótý úshin 21 qańtardyń nelikten tańdap alynǵandyǵy belgisiz. Paıymdaýlar boıynsha, merekeniń bastamashylary stýdentter bolýy múmkin.
Halyqaralyq dostyq qushaqtasý kúnin atap ótýge eshqandaı qarajattyń qajeti joq. Sizge bar bolǵany, unaǵan adamdy jyly qushaqtaý qajet.
