Búgin - Halyqaralyq dostar kúni
ASTANA. 9 maýsym. QazAqparat - Búgin álemdik qaýymdastyq Halyqaralyq dostar kúnin atap ótýde.
Barlyq ýaqytta barlyq halyq dostyqty úlken áleýmettik jáne adamgershilik qundylyq dep tanyp kelse de, «shynaıy dostyqty» óte sırek dep sanaǵan. Halyqaralyq dostar kúni ómirdegi ártúrli qıyn-qystaý jaǵdaılarǵa qaramastan dosymyzdyń qanshalyqty qymbat ekenin aıta otyryp, olardy qýantý úshin oılap tabylǵan kún.
Arıstoteldiń aıtýynsha, Dos - bul eki adamda bolatyn - bir jan. Dostyq týraly halyq maqal-mátelderi de óte kóp. Mysalǵa, «Júz somyń bolǵansha, júz dosyń bolsyn», «Dos - egiz, dushpan - segiz», «Joldasy kóptiń - oljasy kóp», «Qımas dosyń surasa qımasyńdy beresiń», «Aǵash tamyrymen, adam dosymen myqty» jáne kóptegen taǵy basqalar.
Múmkin bul mereke ýaqyt óte kele, eski dostarǵa qońyraý shalyp, shýly kompanııada kezdesip, kóterińki kóńil-kúımen ótken-ketkendi taǵy bir márte eske alýǵa jaqsy sebep bolar.
