Búgin Halyqaralyq «Dárigerler beıbitshilik úshin» kúni

Ol «Dárigerler ıadrolyq qaýiptiń aldyn alý úshin» uıymymen usynylyp, 1945 jyly 6 tamyzda japondyq Hırosıma qalasyn bombalaý kúni atalyp ótiledi. 

Bul kún sımvolıkalyq túrde adamzattyń basynan ótkizgen qaıǵysy týraly eske salyp, aq halattylardyń beıbitshilik úshin kúreste jáne jalpy alǵanda soǵysty boldyrmaýdaǵy rólin kórsetedi. Uıym bul kúndi óziniń kún saıynǵy jumysymen atap ótedi.

Jyl saıyn 6 tamyz kúni tańǵy saǵat 8:15-te japondyq Hırosıma qalasy Únsizdik mınýtyn jarııalaıdy. Basyn tómen túsirip, qoldaryn keýdelerine qoıǵan jas jáne eresek japondyqtar, analar men balalar, muǵalimder men sheneýnikter osy mınýttarda beıbit qalaǵa atomdyq bomba túsirilgen kún týraly oılaıdy. Osyndaı shara 60 jyldan astam ýaqyt jalǵasýda.

«Dárigerler ıadrolyq qaýiptiń aldyn alý úshin» uıymy 1980 jyly Frantsııada basqa tanymal halyqaralyq «Shekteýsiz dárigerler» uıymynan bóliný nátıjesinde quryldy. Sol ýaqyttan beri «Álem dárigerleriniń» iri bólimderi 12 elde paıda boldy, sonyń ishinde AQSh, Shvetsııa jáne Nıderlandy elderi bar.