Búgin - Halyqaralyq bitimgerler kúni
ASTANA. 29 mamyr. QazAqparat - 2002 jyly BUU Bas Assambleıasy 29 mamyrdy Halyqaralyq bitimgeler kúni etip bekitti.
Bul kún álem boıynsha qyzmet etip júrgen bitimgerlerdiń jan qııarlyqtaryna alǵys bildirýge úndeıdi.
Egemendi memleketter arasynda atysty toqtatý aýmaǵy boıymen jaıaý kúzetti atqaratyn, jeńil qarýlanǵan bitimgerler búginde kelmeske ketti. BUU-nyń qazirgi bitimgerlik operatsııalary bara-bara kúrdeli jáne kópjosparly sıpatqa ıe bolýda, olar atysty toqtatý rejimin saqtaýdy tekserýmen shektelip qana qoımaıdy, bitimgerler, ádette, ondaǵan jyldar boıǵy shıelenisten keıin kúıreý aldynda turǵan elderdi qalpyna keltirý mindetterin sheshýmen aınalysady.
Bul - qaýippen betpe-bet keletin baǵasy ólsheýsiz jumys. Búginde Beıbitshilikti ustap turý jónindegi operatsııalar departamenti basqaratyn 18 operatsııada 72 myńnan astam áskerı qyzmetker jáne 15 myń azamattyq tulǵa eńbek etedi. Osylaısha, BUU shıelenisten keıingi turaqtylyq mindetterin sheshetin álemdegi eń iri kópjaqty uıym bolyp tabylady.
