Búgin - Halyqaralyq beıbitshilik kúni
ASTANA. Qyrkúıektiń 21-i. QazAqparat - Búgin - Halyqaralyq beıbitshilik kúni. Jyl saıyn qyrkúıektiń 21-i kúni atalyp ótiletin Halyqaralyq beıbitshilik kúni soǵys otyn toqtatý men zorlyq-zombylyqtan bas tartýǵa jappaı shaqyrýymen erekshelenedi.
Halyqaralyq beıbitshilik kúnin BUU-nyń Bas Assambleıasy 1981 jyly bekitken. 2002 jylǵy qyrkúıektiń 21-inen bastap atap ótiledi. Halyqaralyq beıbitshilik kúnin qyrkúıektiń 21-inde merekeleý týraly sheshim BUU Bas Assambleıasynyń 55 sessııasynda qabyldanǵan.
Bas Assambleıa bul kún búkil álemde zorlyq-zombylyqtan bas tartý jáne soǵys otyn toqtatý kúni bolsyn dep jarııalady. Barlyq elderge osy kúni áskerı áreketter ótkizýden tartyný usynyldy.
