Búgin - Halyqaralyq álemniń baıyrǵy halyqtary kúni

Bul kúndi Birikken Ulttar Uıymy Bas Assambleıasy 1994 jylǵy 23 jeltoqsanda bekitken. 1992 jyly osy kúni Adam quqyn kótermeleý jáne qorǵaý jónindegi shaǵyn komıssııasynyń baıyrǵy halyqtar jónindegi jumysshy komıssııasynyń birinshi májilisi ótip, onda: «Osynaý Halyqaralyq álemniń baıyrǵy halyqtarynyń kúni baıyrǵy halyqtardyń mádenıetteri baılyǵyna jáne olardyń álem halyqtary otbasyn óristetýge qosyp kele jatqan aıryqsha úlesin laıyqty baǵalaımyz. Sonymen qatar biz kóptegen baıyrǵy halyqtar ushyrap otyrǵan - jol berý múmkin emes kólemdegi kedeıshilik pen aýrýǵa shaldyǵýdan bastap, múlikterinen aıyrylyp qalý, kemsitýshilik pen adam quqyqtarynyń negizi bolyp tabylatyn ustanymdarǵa deıingi aýyr qıynshylyqtardy da jadymyzda ustaımyz», - dep atap kórsetilgen.

2004 jyly Bas Assambleıa Halyqaralyq álemniń baıyrǵy halyqtary ekinshi onjyldyǵyn jarııalady (59/174 qarar). Ekinshi onjyldyq maqsaty baıyrǵy halyqtardyń mádenıet, bilim berý, adam quqyqtary, qorshaǵan orta men áleýmettik jáne ekonomıkalyq damý tárizdi salalarda aldarynda turǵan máselelerdi sheshýdegi halyqaralyq yntymaqtastyqty odan ári nyǵaıtýdy kózdeıdi.