Búgin Halyqaralyq aqparat qorǵaý kúni
ASTANA. 30 qarasha. QazAqparat - 1988 jyly Kompıýterlik jabdyqtaý amerıkandyq qaýymdastyǵy 30 qarashany Halyqaralyq aqparat qorǵaý kúni etip jarııalady.
Bul kúnniń maqsaty - kompıýterler men olarda saqtalǵan barlyq aqparattyń qorǵalýy qajettigi týraly paıdalanýshylardyń esine salý.
Naqty 1988 jyly alǵashqy jappaı vırýstyq epıdemııa tirkeldi, ol ózin oılap tabýshy - Morrıstiń atymen ataldy.
Dál osy kezde mamandar aqparattyq qaýipsizdikti qamtamasyz etýge keshendi túrde qaraý qajettigi týraly oılana bastady. Degenmen, alǵashqy kompıýterlik vırýstyń prototıpi kóp uzamaı-aq - 1983 jyly shyqty.
Bul kúni vırýstardan qorǵalmaǵan kompıýterlerge keletin shyǵyndar týraly aıtylady. Mysalǵa, 2000 jyly ınternet jelisimen jiberilgen «I love you» vırýsynan kelgen shyǵyn Soltústik Amerıkada mıllıard dollardy qurady.
Aqparatty qorǵaý konteksinde:
- antı-vırýstyq baǵdarlamany ornatý,
- jeliaralyq ekrandardy ornatý (Firewall),
- qıyn anyqtalatyn paroldi ornatý,
- áleýmettik ınjenerııa,
- aqparattyq resýrstar men aktıvterdiń fızıkalyq qorǵanysy jáne t.b. meńzeledi.
