Búgin - Halyqaralyq adam quqyqtary kúni
ALMATY. 10 jeltoqsan. QazAqparat /Sara Mustafına/ - Búgin - Halyqaralyq adam quqyqtary kúni. Ol 1950 jyldyń 4 jeltoqsanynda BUU Bas Assambleıasymen qurylǵan.
Barlyq memleketter men múddeli uıymdarǵa bul kúni sáıkes sharalar ótkizý usynylǵan.
10 jeltoqsan BUU Bas Assambleıasynyń 1948 jyldyń 10 jeltoqsanynda Jalpyǵa birdeı adam quqyqtarynyń deklaratsııasyn qabyldaý jáne jarııalaý qurmetine tańdalyp alynǵan. Ol adam quqyqtary týraly jaǵdaılardy qalyptastyrǵan alǵashqy álemdik qujat boldy.
Qazaqstanda adam quqyqtaryn qorǵaý memlekettik saıasattyń negizge alatyn ustanymy bolyp tabylady. QR Prezıdentiniń janyndaǵy Adam quqyqtary jónindegi komıssııa Memleket basshysynyń Jarlyǵymen 1994 jyldyń 12 aqpanynda qurylǵan. Maqsaty - adam quqyqtaryn qoldaý jáne qorǵaýdyń memlekettik jáne qoǵamdyq mehanızmderin kúsheıtý.
