Búgin «Habar» arnasynda «Jigit sultanynyń» aqtyq syny kórsetiledi. VIDEO
ASTANA. 5 shilde. QazAqparat - «Habar» arnasy bıylǵy jyldyń sáýir aıynan bastap kórermen nazaryna erdiń erin, jigittiń tóresin tańdaıtyn jańa formattaǵy, jańǵyrǵan mazmundaǵy «Jigit sultany» jobasyn usynyp keledi. Jobanyń basty maqsaty - daryndy, jigerli, júrekti, bilekti jigitterimizdi nasıhattaý.
Baǵdarlama qatysýshylaryna qoıylǵan basty talaptar: boıy uzyn, qazaq tilinde erkin sóıleı alatyn, qazaq dástúri men tarıhynan sýsyndaǵan, ónerli, ári sportpen shynyqqan, jasy 18 ben 29 aralyǵyndaǵy azamat bolý. Іrikteý týryna elimizdiń ár qıyrynan 500-ge jýyq azamat qatysty, solardyń arasynan top jaryp, sýyrylyp shyqqan 16 jigit saıystyq baǵdarlamada óz baǵyn synap kórýge múmkindik aldy. Olar tanystyrý, án saıysy, sporttyq báseke, akterlik sheberlik, ulttyq qolóner, at sporty, bı jarys, eptilik pen tapqyrlyq básekesi jáne ulttyq oıyndar boıynsha saıysqa tústi.
Búgin saǵat 22:20 «Habar» arnasynyń efırinen «Jigit sultany» jobasynyń aqtyq syny kórsetiledi. Sońǵy básekede 6 azamat ózara myqtyny anyqtap, jeńimpazǵa temir tulpardyń kilti tabys etiledi.
Fınalǵa joldama alǵan tulǵalary kóz toıdyrar, ónerleri kóńil súısinter alty jigit mynalar: Esjan Áset, Bımen Altaı, Ohan Aıtýǵan, Oljas Ibraev, Darhan Manaqov, Jandaruly Erdos.
Aqtyq synda segiz qyrly, bir syrly oǵlandardyń ónerine múıizi qaraǵaıdaı, sózi mirdiń oǵyndaı, qara qyldy qaq jarǵan ádildigimen tanymal, eń myqty qoǵam jáne óner qaıratkerleri tórelik etedi.
