Búgin Golovkın-Monro jekpe-jegine bıletter satylymy bastalady
ASTANA. QazAqparat - Boks sýperjuldyzy Gennadıı Golovkın men Kishi Vıllı Monro arasynda ortasha salmaqtaǵy álem chempıony ataǵy úshin 16 mamyrǵa josparlanǵan jekpe-jekke bıletterdi satý seısenbi, 17 naýryz kúni PDT ýaqyty boıynsha saǵat 12:00-de bastalady.
Bul týraly áleýmettik jelilerdegi GGG resmı paraqshasynda habarlanady.
Baǵasy $300, $200, $100, $60 jáne $30 bolatyn bıletterdi Ticketmaster arqyly (Ticketmaster.com) jáne Forýmnyń Boks-keńsesinde satyp alýǵa bolady.
«Baǵasy 30 dollardan bastalady, biz bıletterdiń qoljetimdi baǵalaryn belgilep, sol arqyly kóptegen boks jankúıerlerine «GGG úlken dramalyq shoýyn» tamashalaýǵa múmkindik berip otyrmyz. Onyń Los-Andjeleste ótkizgen sońǵy jekpe-jegine bıletter tolyq satylǵanyn eskerip, biz jankúıerlerdi bıletterdi erterek alýǵa shaqyramyz», - dedi G.Golovkınniń promoýteri Tom Leffler.
Bıletterdi Forýmnyń Boks-keńsesinde osy seısenbide birinshi bolyp satyp alǵan 100 adam "GGG"-men saǵat 13:00-de bastalatyn baspasóz konferentsııasynda sýretke túsý múmkindigine ıe bolady.
