Búgin fýtzaldan 2022 jylǵy Eýropa chempıonaty jalaýyn kóteredi
NUR-SULTAN. QazAqparat - Búgin fýtzaldan 2022 jylǵy Eýropa chempıonaty jalaýyn kóteredi, dep habarlaıdy QazAqparat tilshisi.
Aıta ketsek, qurlyqtyq dodaǵa Qazaqstan quramasy da qatysady. Qarsylastary - Italııa, Slovenııa jáne Fınlıandııa. Aldymen qazaqstandyq fýtzalshylar 20 qańtarda Slovenııamen kezdesse, 24 qańtarda Fınlıandııamen, 28 qańtarda Italııamen sheberlik baıqasady.
Eýropa chempıonatynda barlyǵy 16 qurama baq synaıdy. Quramalar tómendegi toptarǵa bólingen:
A toby: Nıderlandy, Serbııa, Ýkraına, Portýgalııa
S toby: Reseı, Polsha, Slovakııa, Horvatııa
D toby: Grýzııa, Ispanııa, Ázerbaıjan, Bosnııa jáne Gertsogovına.
Qurlyqtyq doda búgin Serbııa men Portýgalııa quramalary arasyndaǵy kezdesýmen bastalady. Sondaı-aq búgin Nıderlandy men Ýkraına quramalary sheberlik baıqasady.
Atalǵan týrnırdegi oıyndar Qazsport telearnasynan tikeleı efırde kórsetiledi.
Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.
Eýropa chempıonaty 1996 jyldan beri turaqty túrde ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.
Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy.
