Búgin fýtboldan UEFA Sýperkýbogy ótedi

ASTANA. QazAqparat – Fýtboldan UEFA Sýperkýbogynda Anglııanyń «Manchester Sıtı» jáne Ispanııanyń «Sevılıa» komandalary kezdesedi, dep habarlaıdy QazAqparat tilshisi.

Oıyn 16-nan 17 tamyzǵa qaraǵan kúni elorda ýaqytymen 00.50-de Grekııanyń Pıreı qalasyndaǵy «Karaıskakıs» stadıonynda ótedi.

Kezdesýge frantsııalyq Fransýa Letekse bas tóreshi bolady. Oǵan otandastary Sırıl Mıýne men Mehdı Rahmýnı kómekshilik jasaıdy. Qosalqy tóreshi norvegııalyq – Espen Eskos. Kezdesý «Qazsport» telearnasynan tikeleı efırde kórsetiledi.

«Manchester Sıtı» bıyl Chempıondar lıgasynda birinshi ret jeńimpaz atandy. Al «Sevılıa» Eýropa lıgasynda kýbokty tóbesine ókterdi. UEFA Sýperkýbogynyń bastaý alǵanyna bıyl týra jarty ǵasyrdan astam ýaqyt boldy.

Qazirge deıin Ispanııanyń «Real Madrıd», «Barselona» jáne Italııanyń «Mılan» klýbtary bes márteden chempıon boldy. Jalpy, mundaı ataqqa barlyǵy 24 komanda qol jetkizdi.

Eske salsaq, 2022 jyly Ispanııanyń «Real Madrıd» komandasy fýtboldan UEFA Sýperkýbogynyń ıegeri boldy.