Búgin fýtboldan Premer-lıgada 19-týr oıyndary bastalady
NUR-SULTAN. QazAqparat - Búgin, 10 qyrkúıekte fýtboldan Premer-lıga komandalary arasyndaǵy el birinshiliginiń 19-týry bastalady, dep habarlaıdy QazAqparat tilshisi.
Atalǵan týr 10 jáne 11 qyrkúıek kúnderi ótedi. Aldymen 10 qyrkúıekte bes oıyn bolsa, 11 qyrkúıekte qalǵan eki kezdesý belgilengen.
Alǵashqy kezdesýde - 10 qyrkúıekte 16:00-de «Aqjaıyq» (Oral) pen «Shahter» (Qaraǵandy) jasyl alańǵa shyqsa, 18:00-de «Taraz» ben «Aqsý» (Pavlodar oblysy), «Kaspıı» (Aqtaý) men «Astana» (Nur-Sultan) komandalary sheberlik baıqasady.
Odan keıin 20:00-de «Tobyl» (Qostanaı oblysy) men «Atyraý», «Maqtaral» (Túrkistan oblysy) men «Aqtóbe» komandalary kezdesedi.
Al 11 qyrkúıekte 16:00-de «Qyzyljar» (Petropavl) men «Ordabasy» (Shymkent) oıyny bastalsa, 20:00-de «Turan» (Túrkistan oblysy) men «Qaırat» (Almaty) jasyl alańǵa shyǵady.
Oıyndar «Qazsport» jáne PFLK-TV arqyly tikeleı efırde kórsetiledi.
Qazir týrnır kestesinde «Aqtóbe», «Astana», «Tobyl» komandalary alǵashqy úshtikte keledi.
Eske salsaq, budan buryn «Maqtaaral» fýtbol klýbyna jańa bas bapker keldi.
