Búgin fýtboldan Premer-lıga komandalarynyń úshinshi týry bastalady

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 3-týry bastalady, dep habarlaıdy QazAqparat tilshisi.

Atalǵan týr 14 jáne 15 naýryz kúnderi ótedi. Búgin, 14 naýryzda 5 oıyn bolsa, 15 naýryzda qalǵan 2 kezdesý belgilengen.

Aldymen 14 naýryzda qazanda saǵat 19:00-de «Ordabasy» (Shymkent) men «Jetisý» (Taldyqorǵan), «Tobyl» (Qostanaı) men «Shahter» (Qaraǵandy), «Qaırat» (Almaty) pen «Kaspıı» (Aqtaý) komandalary kezdesedi.

Al 21.00-de «Qaısar» (Qyzylorda) men «Aqsý» (Pavlodar oblysy), «Astana» men «Aqtóbe» jasyl alańǵa shyǵady.

15 naýryzda saǵat 15:00-de «Maqtaral» (Túrkistan oblysy) men «Atyraý», 17.00-de «Oqjetpes» (Kókshetaý) pen «Qyzyljar» (Petropavl) oınaıdy.

Eske salsaq, alǵashqy eki týrdan keıin «Ordabasy» komandasy kósh bastap tur.